ದಾಹವಾದಾಗ ಕೈ ತಾನಾಗೇ ಎಳನೀರಿನತ್ತ ಹೋಗುತ್ತೆ. “ಇದು ಔಷಧಿ” ಅನ್ನೋ ಮಟ್ಟಿಗೆ ನಾವು ಎಳನೀರನ್ನು ನಂಬಿದ್ದೇವೆ. ಆದರೆ ದೇಹಕ್ಕೆ ಯಾವುದು ಬೇಕು, ಯಾವುದು ಬೇಡ ಅನ್ನೋದು ಕೆಲವೊಮ್ಮೆ ನಮ್ಮ ಅಭ್ಯಾಸಗಳಿಗಿಂತ ಬೇರೆ ಆಗಿರುತ್ತೆ. ಎಳನೀರು ಕೂಡ ಹಾಗೇ. ಕೆಲವರಿಗೆ ಇದು ಶಕ್ತಿ ಕೊಡುತ್ತೆ, ಇನ್ನೂ ಕೆಲವರಿಗೆ ನಿಧಾನವಾಗಿ ಸಮಸ್ಯೆ ಕಟ್ಟಿಕೊಡುತ್ತೆ.
ಎಳನೀರಿನಲ್ಲಿ ಪೊಟ್ಯಾಸಿಯಂ ಜಾಸ್ತಿ. ಕಿಡ್ನಿ ಸರಿಯಾಗಿ ಕೆಲಸ ಮಾಡದಿದ್ದರೆ ಈ ಅಂಶ ದೇಹದಲ್ಲಿ ಜಮೆಯಾಗುತ್ತದೆ. ಪರಿಣಾಮವಾಗಿ ಹೃದಯ ಬಡಿತ ಅಸಹಜವಾಗಬಹುದು, ಕೈಕಾಲುಗಳಲ್ಲಿ ಭಾರವಾದ ಅನುಭವ ಬರುತ್ತೆ.
ಎಳನೀರು ರಕ್ತದೊತ್ತಡವನ್ನು ಸ್ವಾಭಾವಿಕವಾಗಿ ಕಡಿಮೆ ಮಾಡುವ ಗುಣ ಹೊಂದಿದೆ. ಈಗಾಗಲೇ ಬಿಪಿ ಕಡಿಮೆಯಿರುವವರು ಹೆಚ್ಚಾಗಿ ಎಳನೀರು ಕುಡಿದರೆ ತಲೆತಿರುಗು, ದಣಿವು, ಏಕಾಏಕಿ ಬಿದ್ದಿಹೋಗುವ ಅಪಾಯ ಉಂಟಾಗಬಹುದು.
ಇದನ್ನೂ ಓದಿ:
ಕೆಲವರ ದೇಹ ಚಳಿಗೆ ಬೇಗ ಪ್ರತಿಕ್ರಿಯಿಸುತ್ತದೆ. ಅಂಥವರಿಗೆ ಎಳನೀರು ಕೆಮ್ಮು, ಮೂಗು ಕಟ್ಟುವುದು, ಎದೆಯಲ್ಲಿ ಭಾರ ಅನ್ನೋ ಲಕ್ಷಣಗಳನ್ನು ಹೆಚ್ಚಿಸಬಹುದು. ವಿಶೇಷವಾಗಿ ರಾತ್ರಿ ಹೊತ್ತಿನಲ್ಲಿ ಇದು ಹೆಚ್ಚು ಕಾಣಿಸುತ್ತದೆ.
ಶಸ್ತ್ರಚಿಕಿತ್ಸೆಗೆ ಮುನ್ನ ದೇಹ ಸ್ಥಿರವಾಗಿರಬೇಕು. ಎಳನೀರು ಎಲೆಕ್ಟ್ರೋಲೈಟ್ ಬ್ಯಾಲೆನ್ಸ್ ಬದಲಾಯಿಸೋದರಿಂದ ಈ ಸಮಯದಲ್ಲಿ ವೈದ್ಯರು ಇದನ್ನು ತಪ್ಪಿಸಲು ಹೇಳುತ್ತಾರೆ.
‘ಆರೋಗ್ಯ’ ಅನ್ನೋ ಹೆಸರಿನಲ್ಲಿ ಅತಿಯಾಗಿ ಸೇವಿಸೋದು
ಪ್ರತಿ ದಿನ ಎರಡು–ಮೂರು ಎಳನೀರು ಕುಡಿಯೋದು ಒಳ್ಳೆಯದೇನಲ್ಲ. ಹೊಟ್ಟೆ ಉಬ್ಬರ, ಜೀರ್ಣಕ್ರಿಯೆ ನಿಧಾನವಾಗೋದು ಸಾಮಾನ್ಯ ಸಮಸ್ಯೆ. ಸಣ್ಣ ಮಾತಿನಲ್ಲಿ ಹೇಳ್ಬೇಕಂದ್ರೆ, ಎಳನೀರು ಒಳ್ಳೆಯದು – ಆದರೆ ನಿಮ್ಮ ದೇಹ ಒಪ್ಪಿಕೊಂಡ್ರೆ ಮಾತ್ರ. ದೇಹ ಕೊಡೋ ಸಣ್ಣ ಸಿಗ್ನಲ್ಗಳನ್ನು ನಿರ್ಲಕ್ಷ್ಯ ಮಾಡ್ಬೇಡಿ.(Disclaimer: ಈ ಲೇಖನವು ಅಂತರ್ಜಾಲ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ. ಇದು ವೈದ್ಯಕೀಯ ಸಲಹೆಯಲ್ಲ. ಹೆಚ್ಚಿನ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ.)
