ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತದ ಅತಿದೊಡ್ಡ ಬ್ಯಾಂಕ್‌ ಜಾಲಹೊಂದಿರುವ, ದೇಶದ ಅತಿದೊಡ್ಡ ಸಾಲದಾತನೆಂದು ಕರೆಸಿಕೊಳ್ಳುವ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾವು ಎರಡನೇ ತ್ರೈಮಾಸಿಕದಲ್ಲಿ ದೇಶದ ಇತರ ಕಾರ್ಪೋರೇಟ್‌ ಸಂಸ್ಥೆಗಳಿಗಿಂತ ಅತಿ ಹೆಚ್ಚು ಲಾಭಗಳಿಸಿದೆ. 2023ರ ಎರಡನೇ ತ್ರೈಮಾಸಿಕದಲ್ಲಿ ದೇಶದ ಅತ್ಯಂತ ಲಾಭದಾಯಕ ಕಾರ್ಪೊರೇಟ್ ಆಗಿ ಎಸ್‌ಬಿಐ ಹೊರಹೊಮ್ಮಿದ್ದು ಇದು ದೇಶದ ಶ್ರೀಮಂತ ವ್ಯಕ್ತಿಗಳ ಸಾಲಿನಲ್ಲಿರುವ ಮುಖೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್‌ಗಿಂರಲೂ ಹೆಚ್ಚಿನ ಲಾಭವಾಗಿದೆ.
ಎಸ್‌ಬಿಐ ಎರಡನೇ ತ್ರೈಮಾಸಿಕದಲ್ಲಿ ರೂ 14,752 ಕೋಟಿ ಕ್ರೋಢೀಕೃತ ನಿವ್ವಳ ಆದಾಯಗಳಿಸಿದ್ದು 13,656 ಕೋಟಿ ರೂ ನಿವ್ವಳ ಗಳಿಕೆಯನ್ನು ಹೊಂದಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಅನ್ನು ಹಿಂದಿಕ್ಕಿದೆ.
ಸ್ವತಂತ್ರ ಆಧಾರದ ಮೇಲೆ (ಸ್ಟಾಂಡಲೋನ್‌) ಎಸ್‌ಬಿಐ 13,256 ಕೋಟಿ ರೂಪಾಯಿ ನಿವ್ವಳ ಲಾಭ ಹೊಂದಿದ್ದು ಇದು ದಶಕಗಳಿಂದ ಅತ್ಯಂತ ಲಾಭದಾಯಕ ಕಾರ್ಪೊರೇಟ್ ಆಗಿ ಉಳಿದಿರುವ ಮುಖೇಶ್ ಅಂಬಾನಿ ಸಂಸ್ಥೆ ರಿಲಯನ್ಸ್ ಇಂಡಸ್ಟ್ರೀಸ್ ಗಿಂತ ಜಾಸ್ತಿಯಾಗಿದೆ. ದಿಢೀರ್‌ ಲಾಭದ ಮೇಲಿನ ತೆರಿಗೆಯಲ್ಲಿ ರಿಲಯನ್ಸ್ ಇಂಡಸ್ಟ್ರೀಸ್ ಎರಡನೇ ತ್ರೈಮಾಸಿಕದಲ್ಲಿ ಅದರ ರಫ್ತುಗಳ ಮೇಲೆ 4,039 ಕೋಟಿ ರೂಪಾಯಿಗಳ ಹೊಡೆತವನ್ನು ತೆಗೆದುಕೊಂಡಿದ್ದರಿಂದ ದೇಶದ ಅತಿದೊಡ್ಡ ಸಾಲದಾತ ರಿಲಯನ್ಸ್ ಇಂಡಸ್ಟ್ರೀಸ್‌ಅನ್ನು ಸೋಲಿಸಿದೆ.
ರಿಲಯನ್ಸ್‌ನ ನಿವ್ವಳ ಆದಾಯವು ಜಿಯೋ ಪ್ಲಾಟ್‌ಫಾರ್ಮ್‌ಗಳಿಂದ ರೂ 4,729 ಕೋಟಿ ಮತ್ತು ಚಿಲ್ಲರೆ ವ್ಯಾಪಾರದಿಂದ ರೂ 4,404 ಕೋಟಿಗಳನ್ನು ಒಳಗೊಂಡಿದೆ, ಎರಡೂ ತೆರಿಗೆ ಪೂರ್ವ ಗಳಿಕೆಗಳು, ಇದು ಹಿಂದಿನ ವರ್ಷದ ಅವಧಿಯಲ್ಲಿ ರೂ 13,680 ಕೋಟಿಗಳಿಂದ ಸ್ವಲ್ಪ ಕಡಿಮೆಯಾಗಿದೆ.
ಮತ್ತೊಂದೆಡೆ, ಜುಲೈ-ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಎಸ್‌ಬಿಐನ ಸ್ಟ್ಯಾಂಡ್‌ಲೋನ್ ನಿವ್ವಳವು ಶೇಕಡಾ 74 ರಷ್ಟು ಏರಿಕೆಯಾಗಿ 13,256 ಕೋಟಿ ರೂ.ಗೆ ತಲುಪಿದೆ, ಇದು ಬ್ಯಾಂಕಿಗೆ ಇದುವರೆಗಿನ ಅತ್ಯುತ್ತಮ ತ್ರೈಮಾಸಿಕ ಸಂಖ್ಯೆಯಾಗಿದೆ ಮತ್ತು ಎಲ್ಲಾ ಇತರ ಹೆಚ್ಚು ಲಾಭದಾಯಕ ಕಂಪನಿಗಳನ್ನು ವ್ಯಾಪಕ ಅಂತರದಿಂದ ಸೋಲಿಸಿದೆ.
