ಮಹಿಳೆಯರು ನೀವಂದುಕೊಂಡಷ್ಟು ಕಠಿಣ ಅಲ್ಲ, ಅವರನ್ನು ಅರ್ಥಮಾಡಿಕೊಳ್ಳೋದು, ಒಲಿಸೋದು ತುಂಬಾನೇ ಸುಲಭ. ಅವರನ್ನು ಅರ್ಥಮಾಡಿಕೊಳ್ಳೋಕೆ ಕಷ್ಟ, ಅವರಿಗೆ ಏನು ಕೊಟ್ರೂ ಖುಷಿಯಾಗೋದಿಲ್ಲ ಅನ್ನೋರು ಇದನ್ನು ಖಂಡಿತಾ ಓದಿ..
- ಗಿಫ್ಟ್ ಅಂದರೆ ಕಾಸ್ಟ್ಲಿ ಐಟಂ ಅಂತಲ್ಲ, ಒಂದು ಮೊಳ ಮಲ್ಲಿಗೆ ಕೂಡ ಗಿಫ್ಟ್. ಈಗಿನ ಕಾಲದಲ್ಲೂ ಮಲ್ಲಿಗೆ ಹೂವಲ್ಲೂ ಖುಷಿಯಾಗೋ ಹೆಣ್ಣುಮಕ್ಕಳಿದ್ದಾರೆ.
- ಅವಳು ಕೂತ ಜಾಗದಲ್ಲಿಂದ ಏಳದಂತೆ, ನೀವೇ ಒಂದು ತಿಂಡಿ ಮಾಡಿ ತಂದುಕೊಡಿ, ಇದೂ ಗಿಫ್ಟ್!
- ಅವಳು ಮಾಡಿದ ಅಡುಗೆಗೆ ಬಯ್ಯದೆ, ಅವಳ ಮಾಡಿದ ಕೆಲಸಕ್ಕೆ ತೆಗಳದೆ, ಅವಳ ಮಾತನ್ನು ಗೌರವಿಸಿದರೆ ಅದೂ ಅವಳಿಗೆ ನೀವು ಕೊಡೋ ಗಿಫ್ಟ್.
- ನಾನ್ ಪಾತ್ರೆ ತೊಳಿತಿನಿ, ಮುಸರೆ ಯಾಕೆ ಮುಟ್ತೀರ ಎಂದು ಆಕೆ ಹೇಳಿದಾಗ, ದಿನಾ ನೀನು ಮುಟ್ಟುವಾಗ ನಾನೇನು ಹೇಳೋದಿಲ್ಲ, ಒಂದು ದಿನ ತೊಳೆದರೆ ಏನಾಗಲ್ಲ ಅಂತ ಹೇಳಿ ತೊಳೆದುಬಿಡಿ.
- ಅವಳು ಅಡುಗೆ ಮಾಡುವಾಗ ಮೊಬೈಲ್ ನೋಡದೇ ಆಕೆಯ ಬಳಿ ನಿಂತು ಮಾತನಾಡುತ್ತಾ ಟೈಮ್ ಪಾಸ್ ಮಾಡಿ ಇದೂ ಕೂಡ ಗಿಫ್ಟ್.
- ಕೈಲಾದ ಗಿಫ್ಟ್ ನೀಡಿ, ಅದು ಗಾಜಿನ ಬಳೆ ಆಗಿರಬಹುದು, ಡೈಮಂಡ್ ನೆಕ್ಲೇಸ್ ಆಗಿರಬಹುದು, ನಿಮಗೆ ಆಗಿದ್ದನ್ನು ಮಾಡಿ ಇದು ಅವರಿಗೆ ಖುಷಿ ನೀಡುತ್ತದೆ.
- ಒಂದು ದಿನ ಫ್ರೆಂಡ್ಸ್ ಜೊತೆ ಸುತ್ತಾಡು, ಮಗು ನಾನು ನೋಡ್ಕೋತಿನಿ ಅನ್ನಿ ನೋಡೋಣ..
- ತವರು ಮನೆಗೆ ಹೋಗಿ ನಾಲ್ಕು ದಿನ ನೆಮ್ಮದಿಯಾಗಿ ಇದ್ದು ಬಾ ಎಂದು ಕಳಿಸಿಕೊಡಿ.
- ಅವಳ ಕುಟುಂಬದ ಜೊತೆ ಟ್ರಿಪ್ ಪ್ಲಾನ್ ಮಾಡಿ ನೋಡಿ.
- ಆಕೆ ಆಫೀಸ್ನಲ್ಲಿದ್ದರೆ ಒಂದು ರೋಸ್ ಬೊಕ್ಕೆ ಕಳಿಸಿನೋಡಿ ಸಾಕು ಆಕೆ ಖುಷಿಯಾಗ್ತಾಳೆ.