ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ನಾಗಾಲ್ಯಾಂಡ್ ಪ್ರವಾಸೋದ್ಯಮ ಇಲಾಖೆ ಹಂಚಿಕೊಂಡ ವೀಡಿಯೊವನ್ನು ನಾಗಾಲ್ಯಾಂಡ್ ಸಚಿವ ತೆಮ್ಜೆನ್ ಇಮ್ನಾ ಅಲೋಂಗ್ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇದು ಮಹಿಳೆಯರ ಸಬಲೀಕರಣವನ್ನು ಪ್ರತಿಬಿಂಬಿಸುವ ವೀಡಿಯೊ ಎಂದು ಜನ ಕಮೆಂಟ್‌ ಮಾಡುತ್ತಿದ್ದಾರೆ.
ನಾಗಾಲ್ಯಾಂಡ್ ಪ್ರವಾಸೋದ್ಯಮವು ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ವೀಡಿಯೊವನ್ನು ಹಂಚಿಕೊಂಡಿದೆ: nagalandtourism. ವೀಡಿಯೊದಲ್ಲಿ, ನಾಗಾಲ್ಯಾಂಡ್‌ನ ಜಿಲ್ಲೆಯೊಂದರಲ್ಲಿ ಮಹಿಳೆಯರು ಭತ್ತವನ್ನು ನಾಟಿ ಮಾಡುತ್ತಿರುವುದನ್ನು ಕಾಣಬಹುದು. ಹೊಲಗಳಲ್ಲಿ ಮಹಿಳೆಯರು ಭತ್ತ ನಾಟಿ ಮಾಡುವ ದೃಶ್ಯವು ಅವರ ಏಕತೆ ಮತ್ತು ಮಹಿಳಾ ಸಬಲೀಕರಣದ ಪ್ರತಿಬಿಂಬವಾಗಿದೆ.
‘ಉಜ್ವಲ ಭವಿಷ್ಯಕ್ಕಾಗಿ ಬದಲಾವಣೆಯ ಬೀಜಗಳನ್ನು ನೆಡುವುದು’ ಎಂಬ ಶೀರ್ಷಿಕೆಯ ಹಂಚಿಕೊಂಡ ವೀಡಿಯೊ ನಾಗಾಲ್ಯಾಂಡ್ ಸಚಿವ ಟೆಮ್ಜೆನ್ ಇಮ್ನಾ ಅಲೋಂಗ್ ಅವರ ಗಮನ ಸೆಳೆಯಿತು. ಅವರು ತಕ್ಷಣ ಅದನ್ನು ಹಂಚಿಕೊಂಡು, ‘ಎಲ್ಲಿ ಮಹಿಳೆಯರು ಬಲಿಷ್ಠರಾಗಿದ್ದಾರೋ, ಅಲ್ಲಿ ಭೂಮಿಯು ಸಂತೋಷದಿಂದ ನಗುತ್ತದೆ’ ಎಂಬ ಶೀರ್ಷಿಕೆಯನ್ನು ಕೊಟ್ಟಿದ್ದಾರೆ. ಈ ಪೋಸ್ಟ್ ಅನೇಕ ನೆಟ್ಟಿಗರನ್ನು ಆಕರ್ಷಿಸಿದೆ.
