ಸಾಮಾನ್ಯವಾಗಿ ಬೆಳಗಿನ ಉಪಹಾರ ಅಥವಾ ಮಧ್ಯಾಹ್ನದ ಊಟದ ನಂತರ ಸಿಹಿ ತಿನ್ನಲು ಸೂಕ್ತ ಸಮಯವಾಗಿದೆ. ಈ ಸಮಯದಲ್ಲಿ ನಮ್ಮ ಜೀರ್ಣಾಂಗ ವ್ಯವಸ್ಥೆಯು ಸಕ್ರಿಯವಾಗಿರುತ್ತದೆ ಮತ್ತು ನಾವು ದಿನವಿಡೀ ಕೆಲಸ ಮಾಡುವುದರಿಂದ ಕ್ಯಾಲೊರಿಗಳು ಸುಲಭವಾಗಿ ಕರಗುತ್ತವೆ.
ಖಾಲಿ ಹೊಟ್ಟೆಯಲ್ಲಿ ಎಂದಿಗೂ ಬೇಡ
ಬೆಳಗ್ಗೆ ಎದ್ದ ತಕ್ಷಣ ಖಾಲಿ ಹೊಟ್ಟೆಯಲ್ಲಿ ಸಿಹಿ ತಿನ್ನುವುದನ್ನು ಸಂಪೂರ್ಣವಾಗಿ ತಪ್ಪಿಸಿ. ಇದು ರಕ್ತದಲ್ಲಿ ಗ್ಲೂಕೋಸ್ ಮಟ್ಟವನ್ನು ದಿಢೀರ್ ಆಗಿ ಹೆಚ್ಚಿಸಿ, ಇನ್ಸುಲಿನ್ ಏರುಪೇರಿಗೆ ಕಾರಣವಾಗುತ್ತದೆ. ಇದರಿಂದ ದಿನವಿಡೀ ಆಲಸ್ಯ ಮೂಡಬಹುದು.
ರಾತ್ರಿ ವೇಳೆ ಸ್ವೀಟ್ ತಿನ್ನಬೇಡಿ
ರಾತ್ರಿ ಊಟದ ಬಳಿಕ ಅಥವಾ ಮಲಗುವ ಮುನ್ನ ಸಿಹಿ ತಿನ್ನುವುದು ಅತ್ಯಂತ ಅಪಾಯಕಾರಿ. ರಾತ್ರಿಯ ಅವಧಿಯಲ್ಲಿ ದೇಹದ ಚಯಾಪಚಯ ಕ್ರಿಯೆ (Metabolism) ನಿಧಾನವಾಗುವುದರಿಂದ, ಈ ಸಕ್ಕರೆಯು ಕೊಬ್ಬಾಗಿ ಪರಿವರ್ತಿತಗೊಂಡು ತೂಕ ಹೆಚ್ಚಾಗಲು ನೇರ ಕಾರಣವಾಗುತ್ತದೆ.
ವ್ಯಾಯಾಮದ ನಂತರದ ಆಯ್ಕೆ
ನೀವು ಕಠಿಣ ವರ್ಕೌಟ್ ಮಾಡಿದ ನಂತರ ಅಲ್ಪ ಪ್ರಮಾಣದ ಸಿಹಿ ಸೇವಿಸಬಹುದು. ಈ ಸಮಯದಲ್ಲಿ ಸ್ನಾಯುಗಳಿಗೆ ಶಕ್ತಿಯ ಅಗತ್ಯವಿರುವುದರಿಂದ, ಸಕ್ಕರೆಯು ದೇಹಕ್ಕೆ ಇಂಧನವಾಗಿ ಬಳಕೆಯಾಗುತ್ತದೆ. ಆರೋಗ್ಯಕರ ಜೀವನಶೈಲಿಗೆ ಸಮಯ ಪ್ರಜ್ಞೆ ಮುಖ್ಯ.
