ಹೊಸದಿಗಂತ ವರದಿ,ಅಂಕೋಲಾ:
ಮಹಿಳೆಯೋರ್ವಳು ತನ್ನ ಮೂವರು ಮಕ್ಕಳೊಂದಿಗೆ ಕಾಣೆಯಾಗಿರುವ ಕುರಿತು ಅಂಕೋಲಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ತಾಲೂಕಿನ ರಾಮನಗುಳಿ ನಿವಾಸಿ ರುಕ್ಸಾನಾ ಬೇಗಂ ಮೂಸಾ ಶೇಖ್(29) ಈಕೆ ತನ್ನ ಮಕ್ಕಳಾದ ಮೂರನೇ ತರಗತಿ ವಿದ್ಯಾರ್ಥಿ ಮಹಮ್ಮದ್ ಸಿರಾಜ್ ಮೂಸಾ ಶೇಖ್ (9) ಎರಡನೇ ತರಗತಿ ವಿದ್ಯಾರ್ಥಿ ಮಹಮ್ಮದ್ ಸರ್ತಾಜ್ ಮೂಸಾ ಶೇಖ್ (8) ಮತ್ತು ಒಂದೂವರೆ ವರ್ಷದ ಮಗಳು ಆಯೇಷಾ ಅವರೊಂದಿಗೆ ಅಕ್ಟೋಬರ್ 28 ರಂದು ರಾತ್ರಿ ಯಾರಿಗೂ ಹೇಳದೆ ಮನೆಯಿಂದ ಹೋದವಳು ತಿರುಗಿ ಬಂದಿಲ್ಲ ಎಂದು ತಿಳಿದು ಬಂದಿದೆ.
ಈ ಕುರಿತು ಮಹಿಳೆಯ ಪತಿ ಮೂಸಾ ಶೇಖ್ ಎನ್ನುವವರು ಅಂಕೋಲಾ ಪೊಲೀಸ್ ಠಾಣೆ ಯಲ್ಲಿ ದೂರು ದಾಖಲಿಸಿದ್ದಾರೆ.
