ಹೊಸದಿಗಂತ ಡಿಜಿಟಲ್ ಡೆಸ್ಕ್:
ನಟ ಶಾಹಿದ್ ಕಪೂರ್, ನಿರ್ದೇಶಕ ಅಮಿತ್ ಶರ್ಮಾಯೊಂದಿಗೆ ಹೊಸ ಸಿನಿಮಾ ಮಾಡಲು ಸಜ್ಜಾಗುತ್ತಿದ್ದಾರೆ ಎಂಬ ವದಂತಿಗಳು ಇದೀಗ ನಿಜವಾಗಿದೆ.
ಈ ಚಿತ್ರವು ಪ್ರೀತಿ ಮತ್ತು ಸಂಬಂಧಗಳ ಬಗ್ಗೆ ಹೊಸ ಆಯಾಮವನ್ನು ನೀಡುವ ‘ರಿಲೇಷನ್ಶಿಪ್ ಕಾಮಿಡಿ’ ಚಿತ್ರವಾಗಿದ್ದು, ಒಂದು ವೇಳೆ ಇದು ಫಿಕ್ಸ್ ಆದರೆ, ಶಾಹಿದ್ ಮತ್ತು ಜಾನ್ವಿ ಮೊದಲ ಬಾರಿಗೆ ತೆರೆ ಮೇಲೆ ಒಂದಾಗಿ ಕಾಣಿಸಿಕೊಳ್ಳುತ್ತಾರೆ. ಇದು ಅತ್ಯಂತ ಹಾಸ್ಯಮಯ ಸಿನಿಮಾವಾಗಿದ್ದು, ಇಂದಿನ ಯುವಜನತೆಗೆ ಹತ್ತಿರವಾಗುತ್ತದೆ ಎನ್ನಲಾಗುತ್ತಿದೆ.
‘ಬದಾಯಿ ಹೋ’ ಮತ್ತು ‘ಮೈದಾನ್’ ಖ್ಯಾತಿಯ ಅಮಿತ್ ಶರ್ಮಾ ಈ ಚಿತ್ರವನ್ನು ನಿರ್ದೇಶಿಸಲಿದ್ದಾರೆ. ಶಾಹಿದ್ ಕಪೂರ್, ರಾಜ್ ಮತ್ತು ಡಿಕೆ ‘ಫರ್ಜಿ 2’ ಚಿತ್ರೀಕರಣ ಮುಗಿಸಿದ ನಂತರ, ಅಕ್ಟೋಬರ್ನಲ್ಲಿ ಈ ಹೊಸ ಚಿತ್ರದ ಶೂಟಿಂಗ್ ಆರಂಭವಾಗುವ ಸಾಧ್ಯತೆ ಇದೆ. 2027ರಲ್ಲಿ ಈ ಚಿತ್ರ ಬಿಡುಗಡೆಯಾಗುವ ನಿರೀಕ್ಷೆಯಿದೆ.
ಸದ್ಯ ಶಾಹಿದ್ ಕಪೂರ್ ತಮ್ಮ ಬಹುನಿರೀಕ್ಷಿತ ‘ಕಾಕ್ಟೇಲ್ 2’ ಬಿಡುಗಡೆಗಾಗಿ ಕಾಯುತ್ತಿದ್ದು, ಇದರಲ್ಲಿ ರಶ್ಮಿಕಾ ಮಂದಣ್ಣ ಮತ್ತು ಕೃತಿ ಸನೋನ್ ನಟಿಸುತ್ತಿದ್ದಾರೆ. ಈ ಚಿತ್ರವು ಇದೇ ಜೂನ್ 19 ರಂದು ಬಿಡುಗಡೆಯಾಗಲಿದೆ.
