ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಸತೀಶ್ ನೀನಾಸಂ ಹಾಗೂ ಸಪ್ತಮಿ ಗೌಡ ಅಭಿನಯದ ‘ದಿ ರೈಸ್ ಆಫ್ ಅಶೋಕ’ ಸಿನಿಮಾ ಇದೀಗ ಒಟಿಟಿ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದೆ.
ಚಿತ್ರವು ಜೂನ್ 5ರಿಂದ ಸ್ಟ್ರೀಮಿಂಗ್ ಆಗಲಿದ್ದು, ಈ ಕುರಿತು ಅಧಿಕೃತ ಮಾಹಿತಿ ಹೊರಬಿದ್ದಿದೆ. ಥಿಯೇಟರ್ ಬಿಡುಗಡೆಯ ಬಳಿಕ ಡಿಜಿಟಲ್ ವೇದಿಕೆಯಲ್ಲಿ ಸಿನಿಮಾ ಯಾವ ರೀತಿಯ ಪ್ರತಿಕ್ರಿಯೆ ಪಡೆಯಲಿದೆ ಎಂಬ ಕುತೂಹಲ ಹೆಚ್ಚಾಗಿದೆ.
ಬಹುಭಾಷೆಗಳಲ್ಲಿ ಪ್ರಸಾರ
ಕನ್ನಡದ ಜೊತೆಗೆ ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿಯೂ ಚಿತ್ರ ಬಿಡುಗಡೆಯಾಗಲಿದೆ. ಇದರಿಂದ ದಕ್ಷಿಣ ಭಾರತದ ವಿವಿಧ ಭಾಷಾ ಪ್ರೇಕ್ಷಕರನ್ನು ತಲುಪುವ ಅವಕಾಶ ಚಿತ್ರಕ್ಕೆ ದೊರೆತಿದೆ.
ಚಿತ್ರದ ನಿರ್ದೇಶನವನ್ನು ವಿನೋದ್ ವಿ. ಧೋಂಡಾಲೆ ಆರಂಭಿಸಿದ್ದರು. ಆದರೆ ಮಧ್ಯದಲ್ಲೇ ಅವರ ನಿಧನವಾಗಿದ್ದರಿಂದ ಉಳಿದ ಭಾಗವನ್ನು ಎಡಿಟರ್ ಮನು ಶೇಡ್ಗಾರ್ ಪೂರ್ಣಗೊಳಿಸಿದರು. ಹಲವು ಸವಾಲುಗಳ ನಡುವೆಯೂ ಸಿನಿಮಾ ತೆರೆಗೆ ಬಂದಿತ್ತು.
ಇದನ್ನೂ ಓದಿ:
ತಾರಾಗಣದ ಬಲ
ಚಿತ್ರದಲ್ಲಿ ಸತೀಶ್ ನೀನಾಸಂ ಅಶೋಕ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಸಪ್ತಮಿ ಗೌಡ ಅಂಬಿಕಾ ಪಾತ್ರ ನಿರ್ವಹಿಸಿದ್ದಾರೆ. ಜೊತೆಗೆ ಬಿ. ಸುರೇಶ್, ರವಿಶಂಕರ್, ಸಂಪತ್ ಮೈತ್ರೇಯ ಹಾಗೂ ಗೋಪಾಲಕೃಷ್ಣ ದೇಶಪಾಂಡೆ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಪೂರ್ಣಚಂದ್ರ ತೇಜಸ್ವಿ ಸಂಗೀತ ಚಿತ್ರಕ್ಕಿದೆ.
ಮುಂದಿನ ಚಿತ್ರಕ್ಕಾಗಿ ನಿರೀಕ್ಷೆ
‘ದಿ ರೈಸ್ ಆಫ್ ಅಶೋಕ’ ಬಳಿಕ ಸತೀಶ್ ನೀನಾಸಂ ಅವರ ‘ಅಯೋಗ್ಯ-2’ ಚಿತ್ರದ ಮೇಲೂ ಅಭಿಮಾನಿಗಳ ನಿರೀಕ್ಷೆ ಹೆಚ್ಚಾಗಿದೆ. ಮಹೇಶ್ ಕುಮಾರ್ ನಿರ್ದೇಶನದ ಈ ಸಿನಿಮಾ ಇದೇ ವರ್ಷ ಬಿಡುಗಡೆಯಾಗುವ ಸಾಧ್ಯತೆ ಇದೆ.
