ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬಾಲಿವುಡ್ನ ಖ್ಯಾತ ನಟ ಆಮಿರ್ ಖಾನ್ ಹಾಗೂ ಗೌರಿ ಸ್ಪ್ರಾಟ್ ಇದೇ ವಾರ ವೈವಾಹಿಕ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ. ಈ ಸ್ಟಾರ್ ಜೋಡಿಯ ಮದುವೆಯ ಇಂಟರೆಸ್ಟಿಂಗ್ ವಿಚಾರವೊಂದು ಈಗ ಸಿನಿವಲಯದಲ್ಲಿ ಭಾರೀ ಸದ್ದು ಮಾಡುತ್ತಿದೆ.
ಜುಲೈ 5ರಂದು ಸರಳ ವಿವಾಹ ನೋಂದಣಿ
ಜುಲೈ 5ರಂದು ಮುಂಬೈನಲ್ಲಿರುವ ಆಮಿರ್ ಖಾನ್ ಅವರ ನಿವಾಸದಲ್ಲಿ ಅತ್ಯಂತ ಸರಳವಾಗಿ ವಿವಾಹ ನೋಂದಣಿ (Register Marriage) ಪ್ರಕ್ರಿಯೆ ನಡೆಯಲಿದೆ. ಈ ಖಾಸಗಿ ಸಮಾರಂಭದಲ್ಲಿ ಕೇವಲ ಕುಟುಂಬದ ಸದಸ್ಯರು ಮತ್ತು ಆಪ್ತ ಸ್ನೇಹಿತರು ಮಾತ್ರ ಭಾಗಿಯಾಗಲಿದ್ದಾರೆ.
ಮಕ್ಕಳೇ ರೂಪಿಸಿದ ವೆಡ್ಡಿಂಗ್ ಫುಡ್ ಮೆನು!
ಈ ಮದುವೆಯ ವಿಶೇಷತೆಯೆಂದರೆ, ಸಮಾರಂಭದ ಸಂಪೂರ್ಣ ಆಹಾರದ ಮೆನುವನ್ನು ಆಮಿರ್ ಮತ್ತು ಗೌರಿ ಅವರ ಮಕ್ಕಳೇ ಖುದ್ದಾಗಿ ಪ್ಲ್ಯಾನ್ ಮಾಡಿದ್ದಾರೆ. ಮದುವೆಗೆ ಬರುವ ಅತಿಥಿಗಳಿಗೆ ಯಾವೆಲ್ಲಾ ಖಾದ್ಯಗಳನ್ನು ಉಣಬಡಿಸಬೇಕು ಎಂಬುದನ್ನು ಮಕ್ಕಳೇ ಆಯ್ಕೆ ಮಾಡಿದ್ದು, ಮದುವೆಯ ಇತರೆ ಜವಾಬ್ದಾರಿಗಳನ್ನೂ ಅವರೇ ವಹಿಸಿಕೊಂಡಿದ್ದಾರೆ.
ಒಂದಾದ ಸ್ಟಾರ್ ಕಿಡ್ಸ್
ಆಮಿರ್ ಖಾನ್ ಮಕ್ಕಳಾದ ಜುನೈದ್, ಐರಾ ಮತ್ತು ಆಜಾದ್ ಅವರೊಂದಿಗೆ ಗೌರಿ ಸ್ಪ್ರಾಟ್ ಪುತ್ರ ಕೂಡ ಕೈಜೋಡಿಸಿದ್ದು, ಪೋಷಕರ ಮದುವೆಯನ್ನು ವಿಶೇಷ ಹಾಗೂ ಸ್ಮರಣೀಯವಾಗಿಸಲು ಭರ್ಜರಿ ಸಿದ್ಧತೆ ನಡೆಸಿದ್ದಾರೆ. ಸದ್ಯ ಈ ಸ್ಟಾರ್ ಕಿಡ್ಸ್ಗಳ ಮದುವೆ ಪ್ಲ್ಯಾನಿಂಗ್ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಮೆಚ್ಚುಗೆ ಗಳಿಸುತ್ತಿದೆ.
