ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ದೀಪಿಕಾ ಪಡುಕೋಣೆ ಹಾಗೂ ಶಾರುಖ್‌ ಖಾನ್‌ ನಟನೆಯ ಕಿಂಗ್‌ ಸಿನಿಮಾಕ್ಕೆ ಲೀಟ್‌ ಕಾಟ ಮುಂದುವರಿದಿದೆ. ಈ ಹಿಂದೆ ಹಾಡಿನ ಶೂಟಿಂಗ್‌ನ ಫೋಟೊ ಹಾಗೂ ವಿಡಿಯೋ ಲೀಕ್‌ ಆಗಿತ್ತು. ಇದೀಗ ಮತ್ತೊಂದು ಫೋಟೊ ಲೀಕ್‌ ಆಗಿದೆ.
ದಕ್ಷಿಣ ಆಫ್ರಿಕಾದ ಕೇಪ್‌ಟೌನ್‌ನಲ್ಲಿ ಶೂಟಿಂಗ್‌ ನಡೆಯುತ್ತಿದ್ದು, ಸಮುದ್ರ ತೀರವೊಂದರಲ್ಲಿ ಶಾರುಖ್‌ ಹಾಗೂ ದೀಪಿಕಾ ರೊಮ್ಯಾಂಟಿಕ್‌ ಹಾಡು ಶೂಟ್‌ ಆಗುತ್ತಿದೆ. ಇದರ ಫೋಟೊಗಳು ವೈರಲ್‌ ಆಗಿವೆ.
ಈ ಹಿಂದೆ ಮೊದಲ ಫೋಟೊ ಲೀಕ್‌ ಆದಾಗ ಚಿತ್ರತಂಡ ಟ್ವೀಟ್‌ ಮೂಲಕ ಮನವಿ ಮಾಡಿಕೊಂಡಿತ್ತು. ನಮ್ಮ ಸೆಟ್‌ನ ಫೋಟೊ ವಿಡಿಯೋಗಳನ್ನು ಲೀಕ್‌ ಮಾಡಬೇಡಿ ಎಂದು ಮನವಿ ಮಾಡಿತ್ತು. ಈ ರೀತಿ ಫೋಟೊ ವಿಡಿಯೋಗಳನ್ನು ಲೀಕ್‌ ಮಾಡಿದರೆ ಜನರ ಕುತೂಹಲ ಕದಡುತ್ತದೆ. ಸಿನಿಮಾ ಥಿಯೇಟರ್‌ಗೆ ಬಂದಾಗ ಆ ಎನರ್ಜಿ ಇರುವುದಿಲ್ಲ. ನಿಮಗಾಗಿ ಸಿನಿಮಾ ಮಾಡ್ತಿದ್ದೇವೆ, ನಿಮ್ಮ ಮುಂದೆ ಇಡುವವರೆಗೂ ಕಾಯಿರಿ ಎಂದಿದ್ದರು.
ಆದರೆ ಇದ್ಯಾವುದಕ್ಕೂ ಬೆಲೆ ನೀಡದ ಜನ ಫೋಟೊ, ವಿಡಿಯೋಗಳನ್ನು ಲೀಕ್‌ ಮಾಡಿದ್ದಾರೆ.
