“ಒಬ್ಬಳೇ ಕಾಫಿಗೆ ಹೋಗಿದ್ದಾಳೆ… ಯಾರೂ ಜೊತೆ ಇಲ್ವಾ?” ಹಿಂದೆ ಹೀಗೆ ಹೇಳುತ್ತಿದ್ದವರು, ಈಗ ಅದನ್ನೇ ಸೆಲ್ಫ್-ಲವ್ ಟ್ರೆಂಡ್ ಅಂತ ಕರೆಯುತ್ತಿದ್ದಾರೆ. ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗುತ್ತಿರುವ ಟ್ರೆಂಡ್ ಅಂದ್ರೆ ‘ಸೋಲೋ ಡೇಟ್’. ಅಂದರೆ, ಯಾರನ್ನೂ ಕಾಯದೇ, ಯಾರನ್ನೂ ಜೊತೆ ತೆಗೆದುಕೊಂಡು ಹೋಗದೇ, ಸ್ವತಃ ನಮ್ಮನ್ನೇ ನಾವು ಡೇಟ್ಗೆ ಕರೆದೊಯ್ಯೋದು.
ಸಿನಿಮಾ, ಕಾಫಿ ಶಾಪ್, ಡಿನ್ನರ್, ಪಾರ್ಕ್ ವಾಕ್ ಅಥವಾ ಶಾಪಿಂಗ್ ಇವೆಲ್ಲವನ್ನೂ ಒಬ್ಬರೇ ಎಂಜಾಯ್ ಮಾಡೋದು ಈಗ ಯುವಜನರಲ್ಲಿ ಹೊಸ ಟ್ರೆಂಡ್ ಆಗಿದೆ. ಇದು ಕೇವಲ ಫ್ಯಾಷನ್ ಅಲ್ಲ, ಮನಸ್ಸಿಗೆ ಹತ್ತಿರವಾದ ಒಂದು ಹವ್ಯಾಸವಾಗುತ್ತಿದೆ.
ಯಾಕೆ ಸೋಲೋ ಡೇಟ್ ಟ್ರೆಂಡ್?
ಎಲ್ಲ ಸಮಯವೂ ನಮ್ಮ ಜೊತೆ ಯಾರಾದರೂ ಇರಬೇಕು ಅನ್ನೋದು ತಪ್ಪು ಕಲ್ಪನೆ. ಕೆಲವೊಮ್ಮೆ ನಮ್ಮನ್ನು ನಾವು ಅರ್ಥಮಾಡಿಕೊಳ್ಳಲು ಸ್ವಲ್ಪ ಒಂಟಿತನ ಬೇಕಾಗುತ್ತದೆ. ಕೆಲಸದ ಒತ್ತಡ, ಸಂಬಂಧಗಳ ಗೊಂದಲ, ದಿನನಿತ್ಯದ ಗಡಿಬಿಡಿ ನಡುವೆ ಸ್ವಂತ ಸಮಯ ಸಿಗೋದು ತುಂಬಾ ಮುಖ್ಯ.
ಇದನ್ನೂ ಓದಿ:
ಏನು ಮಾಡಬಹುದು?
ನಿಮಗೆ ಇಷ್ಟವಾದ ಕ್ಯಾಫೆಗೆ ಹೋಗಿ ಕಾಫಿ ಕುಡಿಯಿರಿ, ನಿಮ್ಮ ಫೇವರಿಟ್ ಸಿನಿಮಾ ನೋಡಿ, ಪುಸ್ತಕ ಓದಿ, ಪಾರ್ಕ್ನಲ್ಲಿ ನಡೆಯಿರಿ. ಫೋನ್ಗಿಂತ ನಿಮ್ಮ ಆಲೋಚನೆಗಳಿಗೆ ಹೆಚ್ಚು ಸಮಯ ಕೊಡಿ.
ಇದರ ಲಾಭ ಏನು?
ಸೋಲೋ ಡೇಟ್ ನಿಮ್ಮ ಆತ್ಮವಿಶ್ವಾಸ ಹೆಚ್ಚಿಸುತ್ತದೆ. “ನಾನು ನನ್ನ ಜೊತೆ ಸಂತೋಷವಾಗಿರಬಹುದು” ಅನ್ನೋ ಭಾವನೆ ಬರುತ್ತದೆ. ಇದೇ ನಿಜವಾದ ಸೆಲ್ಫ್ ಕೇರ್.
ಕೆಲವೊಮ್ಮೆ ಜೀವನದಲ್ಲಿ ಬೆಸ್ಟ್ ಕಂಪನಿ… ನೀವೇ ಆಗಿರುತ್ತೀರಿ!
