ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಗುಜರಾತ್‌ನ ಭೇಸ್ತಾನ್ ರೈಲು ನಿಲ್ದಾಣದ ಬಳಿ ವಂದೇ ಭಾರತ್ ಎಕ್ಸ್‌ಪ್ರೆಸ್ ಮೇಲೆ ಮತ್ತೊಂದು ಕಲ್ಲು ತೂರಾಟದ ಘಟನೆ ವರದಿಯಾಗಿದೆ. 12 ವರ್ಷದ ಬಾಲಕನೊಬ್ಬ ವಂದೇ ಭಾರತ್ ರೈಲಿನ ಕಿಟಕಿಗೆ ಕಲ್ಲು ಎಸೆದಿದ್ದರಿಂದ, ಗಾಜು ಸಂಪೂರ್ಣವಾಗಿ ಪುಡಿಪುಡಿಯಾಗಿದೆ.
ಫೆಬ್ರವರಿ 26ರಂದು ಬೆಳಿಗ್ಗೆ 8:33 ರ ಸುಮಾರಿಗೆ, ರೈಲು ಸಂಖ್ಯೆ 22962 ಸೂರತ್‌ನಿಂದ ಮುಂಬೈಗೆ ಪ್ರಯಾಣಿಸುತ್ತಿತ್ತು. ಭೇಸ್ತಾನ್ ನಿಲ್ದಾಣದ ಮೂಲಕ ಹಾದುಹೋಗುವಾಗ, ಕೋಚ್ C16 ರ ಕಿಟಕಿಯ ಮೇಲೆ ಕಲ್ಲು ಎಸೆಯಲಾಗಿದೆ.
ವಿಚಾರಣೆ ವೇಳೆ ಹುಡುಗ ತನ್ನ ಹೆಸರು ಮತ್ತು ವಯಸ್ಸು 12 ವರ್ಷ ಮತ್ತು 1 ತಿಂಗಳು ಎಂದು ಬಹಿರಂಗಪಡಿಸಿದ್ದಾರೆ. ಅವನು ರೈಲು ನಿಲ್ದಾಣದ ಬಳಿಯ ಸಮೀಪವೇ ವಾಸಿಸುತ್ತಾನೆ ಎನ್ನಲಾಗಿದೆ.ತಾನು ಆಟವಾಡುವಾಗ ಕಲ್ಲು ಎಸೆದಿದ್ದಾಗಿ ಬಾಲಕ ಒಪ್ಪಿಕೊಂಡು ಓಡಿಹೋಗಿದ್ದಾನೆ. ಬಳಿಕ ಅವನ ತಂದೆಯನ್ನು ಕರೆಸಲಾಯಿತು. ಇಬ್ಬರು ಸಾಕ್ಷಿಗಳು ಮತ್ತು ಅವನ ತಂದೆಯ ಸಮ್ಮುಖದಲ್ಲಿ ಅವನನ್ನು ವಿಚಾರಣೆಗೆ ಒಳಪಡಿಸಲಾಯಿತು. ಅಗತ್ಯ ಔಪಚಾರಿಕತೆಗಳನ್ನು ಪೂರ್ಣಗೊಳಿಸಿದ ನಂತರ, ಅವನನ್ನು ಅವನ ತಂದೆಯೊಂದಿಗೆ ಉಧ್ನಾದ ಆರ್‌ಪಿಎಫ್ ಕಚೇರಿಗೆ ಕರೆತರಲಾಯಿತು. ಸಹಾಯಕ ಸಬ್-ಇನ್‌ಸ್ಪೆಕ್ಟರ್ ರವಿ ಕುಮಾರ್ ತಿವಾರಿ ಹೆಚ್ಚಿನ ತನಿಖೆ ನಡೆಸಿದ್ದಾರೆ.
