ಬೆಳಗಿನ ಉಪಹಾರ ದಿನದ ಅತ್ಯಂತ ಮುಖ್ಯ ಆಹಾರ ಅನ್ನೋ ಮಾತನ್ನು ನೀವು ಹಲವು ಬಾರಿ ಕೇಳಿರಬಹುದು. ಆದರೆ ಅದರಲ್ಲಿ ನಿಜವಾಗಿಯೂ ಅಷ್ಟು ಮಹತ್ವ ಇದೆಯಾ? ಫಿಟ್ನೆಸ್ ದೃಷ್ಟಿಯಿಂದ ನೋಡಿದರೆ ಉತ್ತರ ಹೌದು. ಯಾಕಂದ್ರೆ ರಾತ್ರಿ ಪೂರ್ತಿ ವಿಶ್ರಾಂತಿಯಲ್ಲಿದ್ದ ದೇಹಕ್ಕೆ ಬೆಳಿಗ್ಗೆ ಸರಿಯಾದ ಪೋಷಕಾಂಶ ಮತ್ತು ಶಕ್ತಿ ಬೇಕಾಗುತ್ತದೆ.
ದೇಹಕ್ಕೆ ದಿನದ ಮೊದಲ ಇಂಧನ
ರಾತ್ರಿ 7–8 ಗಂಟೆಗಳ ಬಳಿಕ ದೇಹದ ಎನರ್ಜಿ ಮಟ್ಟ ಕಡಿಮೆಯಾಗಿರುತ್ತದೆ. ಬೆಳಗಿನ ಉಪಹಾರ ದೇಹಕ್ಕೆ ಮತ್ತೆ ಶಕ್ತಿ ನೀಡುವ ಕೆಲಸ ಮಾಡುತ್ತದೆ. ಅದಕ್ಕಾಗಿಯೇ ಉಪಹಾರವನ್ನು ದಿನದ ಮೊದಲ ಫ್ಯೂಯೆಲ್ ಅಂತ ಕರೆಯುತ್ತಾರೆ.
ವರ್ಕೌಟ್ಗೆ ಸಹಕಾರಿ
ಬೆಳಿಗ್ಗೆ ವ್ಯಾಯಾಮ ಮಾಡುವವರಿಗೆ ಉಪಹಾರ ಅಥವಾ ಸರಿಯಾದ ಪ್ರೀ-ವರ್ಕೌಟ್ ಆಹಾರ ಮುಖ್ಯ. ದೇಹಕ್ಕೆ ಬೇಕಾದ ಎನರ್ಜಿ ಸಿಕ್ಕರೆ ವರ್ಕೌಟ್ನಲ್ಲೂ ಉತ್ತಮ ಪರ್ಫಾರ್ಮೆನ್ಸ್ ಕೊಡಬಹುದು.
ಇದನ್ನೂ ಓದಿ:
ಅನಗತ್ಯ ಹಸಿವು ಕಡಿಮೆ ಮಾಡುತ್ತದೆ
ಉಪಹಾರ ಬಿಟ್ಟರೆ ಮಧ್ಯಾಹ್ನದ ವೇಳೆಗೆ ಹೆಚ್ಚು ಹಸಿವು ಆಗಬಹುದು. ಇದರಿಂದ ಹೆಚ್ಚು ತಿನ್ನುವ ಅಥವಾ ಜಂಕ್ ಫುಡ್ ಆಯ್ಕೆ ಮಾಡುವ ಸಾಧ್ಯತೆ ಹೆಚ್ಚಾಗುತ್ತದೆ.
ಮೆಟಾಬಾಲಿಸಂ ಆಕ್ಟಿವ್ ಆಗುತ್ತದೆ
ಪೌಷ್ಟಿಕ ಉಪಹಾರ ದೇಹದ ಮೆಟಾಬಾಲಿಸಂ ಪ್ರಕ್ರಿಯೆಯನ್ನು ಆರಂಭಿಸಲು ಸಹಾಯ ಮಾಡುತ್ತದೆ. ಇದು ದಿನಪೂರ್ತಿ ದೇಹ ಚುರುಕಾಗಿರಲು ನೆರವಾಗುತ್ತದೆ.
ಏನು ತಿನ್ನಬೇಕು?
ಉಪಹಾರದಲ್ಲಿ ಪ್ರೋಟೀನ್, ಫೈಬರ್ ಮತ್ತು ಉತ್ತಮ ಕಾರ್ಬೋಹೈಡ್ರೇಟ್ ಇರಬೇಕು. ಇಡ್ಲಿ, ದೋಸೆ, ಓಟ್ಸ್, ಹಣ್ಣುಗಳು, ಮೊಸರು, ಮೊಟ್ಟೆ ಅಥವಾ ಸ್ಪ್ರೌಟ್ಸ್ ಉತ್ತಮ ಆಯ್ಕೆಗಳು.
ಫಿಟ್ನೆಸ್ನಲ್ಲಿ ದೊಡ್ಡ ಬದಲಾವಣೆಗಳು ಸಣ್ಣ ಹವ್ಯಾಸಗಳಿಂದಲೇ ಆರಂಭವಾಗುತ್ತವೆ. ಅವುಗಳಲ್ಲಿ ಬೆಳಗಿನ ಆರೋಗ್ಯಕರ ಉಪಹಾರವೂ ಒಂದು. ಅದು ಕೇವಲ ಹೊಟ್ಟೆ ತುಂಬಿಸುವುದಲ್ಲ, ದಿನಪೂರ್ತಿ ದೇಹಕ್ಕೆ ಸರಿಯಾದ ಆರಂಭ ನೀಡುವ ಆಹಾರವಾಗಿದೆ.
