ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನತೆ ಹೆಚ್ಚುತ್ತಿರುವ ನಡುವೆಯೇ ಯುಎಇಯಲ್ಲಿ ಸಿಲುಕಿರುವ ಭಾರತೀಯರನ್ನು ಸ್ವದೇಶಕ್ಕೆ ವಾಪಸ್ ಬರಲು ಅನುಕೂಲವಾಗುವಂತೆ ಸ್ಪೈಸ್‌ಜೆಟ್ ಗುರುವಾರ ಯುಎಇಯಿಂದ 13 ವಿಶೇಷ ವಿಮಾನಗಳನ್ನು ನಿರ್ವಹಿಸುತ್ತಿದೆ.
12 ವಿಮಾನಗಳು ಫುಜೈರಾದಿಂದ ಮತ್ತು ಒಂದು ದುಬೈನಿಂದ ಕಾರ್ಯನಿರ್ವಹಿಸಲಿದ್ದು, ಮುಂಬೈಗೆ ಏಳು ವಿಶೇಷ ವಿಮಾನಗಳು, ದೆಹಲಿಗೆ ಐದು ವಿಶೇಷ ವಿಮಾನಗಳು ಮತ್ತು ದುಬೈನಿಂದ ಮುಂಬೈಗೆ ಒಂದು ವಿಶೇಷ ವಿಮಾನವನ್ನು ನಿರ್ವಹಿಸಲಾಗುವುದು ಎಂದು ಸ್ಪೈಸ್‌ಜೆಟ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಅಮೆರಿಕ, ಇಸ್ರೇಲ್ ಮತ್ತು ಇರಾನ್ ನಡುವೆ ಹೆಚ್ಚುತ್ತಿರುವ ಸಂಘರ್ಷದಿಂದ ವಾಯು ಪ್ರದೇಶವನ್ನು ಹಠಾತ್ ಬಂದ್ ಮಾಡಲಾಗಿದ್ದು, ಹೆಚ್ಚಿನ ಸಂಖ್ಯೆಯ ಪ್ರಯಾಣಿಕರು ವಿವಿಧ ನಗರಗಳಲ್ಲಿ ಸಿಲುಕಿಕೊಂಡಿದ್ದಾರೆ.
